MARIING itinanggi ni Yeng Constantino na nagmaldita siya sa ilang Pinoy fans sa Amerika.Sabi sa tsismis, dalawa raw sila ng PDA scholar na si Panky Trinidad na nagpakita ng pangit na asal sa ibang bansa.
"Wala akong matandaan na nagtaray o nagsungit ako sa mga fans sa US.
"Iniisip ko nga kung kelan ako nagsungit sa States? Eh, wala naman akong matandaan na nagpakita ako ng pangit na ugali, o nambastos ako! Hindi ako bastos!" sabi ni Yeng.
"Alam ko ang trabahong pinasok ko at alam ko rin ang hirap ng mga kababayanan natin doon na bumili sila ng tickets at bumiyahe pa sila ng malayo para lang makita kami ng personal.
Atsaka, bakit naman ako magsusungit? Wala akong karapatan na maging ganun, `di ba?"
Kahit nga raw pagod na si Yeng sa mga naging shows at biyahe nila sa US, parati pa rin siyang nakangiti lalo na kapag may gustong humingi ng autograph niya o magpa-picture na kasama siya.
"Malaki ang utang na loob ko sa mga fans. Kasi sila ang nagpanalo sa akin sa PDA. Kung hindi dahil sa text votes nila sa akin, walang Yeng Constantino na mananalo. Kaya hinding-hindi ako magbabago dahil ako pa rin ang Yeng na minahal nila."
May hinala na raw ang Dream Big Productions kung sino ang naninira kay Yeng pati na sa ibang hawak nila na galing sa PDA. Kapag nakasigurado na sila, doon na nila ito kakausapin para alamin kung bakit ito nagkakalat ng mga paninira sa PDA.
Anyway, ipinagtanggol din ni Ronnie Liang ang mga kasamahan niya.umumpa nga si Ronnie na never nagtaray sina Yeng at Panky sa mga fans sa States.
Nagulat din daw siya sa balitang iyon dahil parati raw silang magkakasama sa mga lakad nila sa US.
"Wala namang gano'ng nangyari. Kung nagtaray sila, dapat alam naming lahat. Mapagsasabihan
namin sila. Pero wala namang gano'n, eh. Kawawa naman sina Yeng at Panky. Wala silang kaaalam-alam na naiintriga na sila rito habang nandoon kami sa US."
Anyway, busy si Ronnie ngayon sa mall tour para sa debut album niyang Ang Aking Awitin.
No comments:
Post a Comment